«YIL TANLOVI – 2024» TANLOV NIZOMI
1. Umumiy qoidalar
1.1. Ushbu nizom "Yil tanlovi – 2024" tanlovining maqsadi, o‘tkazilish tartibi va shartlarini belgilaydi.
1.2. Tanlovning asosiy maqsadi 2024-yil davomida samarali faoliyat yuritgan, xalq e’tirofiga sazovor bo‘lgan eng yaxshi vakillarni aniqlashdan iborat.
1.3. Tanlov ochiq va jamoatchilik fikriga asoslangan holda o‘tkaziladi.
1.4. Tanlov quyidagi nominatsiyalar bo‘yicha tashkil etiladi:
- Yilning eng yaxshi yoshlar yetakchisi
- Yilning eng yaxshi hokim yordamchisi
- Yilning eng yaxshi mahalla yetakchisi
- Yilning eng yaxshi hokimi
- Yilning eng yaxshi brendi
- Yilning eng yaxshi banki
- Yilning eng yaxshi tashkiloti
- Boshqa nominatsiyalar
2. Tanlov ishtirokchilari
2.1. Tanlov O‘zbekiston bo‘ylab o‘tkaziladi va barcha hududlardan nomzodlar qatnashadi.
2.2. Har bir nominatsiya bo‘yicha nomzodlarning faoliyati xalqning ovozi va fikri asosida baholanadi.
3. Ovoz berish tartibi
3.1. Tanlov birinchi bosqichda jamoatchilik so‘rovnomasi orqali amalga oshiriladi.
3.2. Ovoz berish muddati va tartibi Yiltanlovi.uz rasmiy veb-saytida yoki hududiy hamkor Telegram kanallarida e’lon qilinadi.
3.3. Ovoz berish jarayoni ochiq va shaffof tarzda o‘tkaziladi.
4. Baholash mezonlari
4.1. Nomzodlarning faoliyati quyidagi mezonlar asosida baholanadi:
- Xalq bilan muloqot qilish samaradorligi.
- Hudud yoki sohada erishilgan yutuqlar.
- Aholining talab va istaklarini amalga oshirishdagi natijalar.
4.2. Baholashda jamoatchilik fikri asosiy o‘rinda turadi.
5. G‘oliblarni aniqlash va taqdirlash
5.1. Har bir nominatsiya bo‘yicha g‘oliblar jamoatchilik ovozlari asosida aniqlanadi.
5.2. G‘oliblarni aniqlash tartibi quyidagicha:
- Tuman bo‘yicha g‘oliblar: Kamida 3 ta nomzod 100 tadan ortiq ovoz olgan bo‘lishi kerak.
- Viloyat bo‘yicha g‘oliblar: Kamida 1000 ta ovoz yig‘ilgan bo‘lishi kerak.
- O‘zbekiston bo‘yicha g‘oliblar: Kamida 3000 ta ovoz va 3 ta nomzodning ishtiroki talab etiladi.
5.3. G‘oliblar tanlov yakunida rasmiy e’lon qilinadi va maxsus mukofotlar bilan taqdirlanadi.
6. Qo‘shimcha qoidalar
6.1. Tanlov tashkilotchilari nizomga o‘zgartirish kiritish huquqiga ega.
6.2. Ishtirokchilar tanlovda qatnashish orqali ushbu nizom talablariga to‘liq rioya qilishga rozilik bildiradilar.